“Turan” üçün 25-ci səfər qələbəsi, 10-cu darmadağın

“Turan Tovuz” futbol üzrə Azərbaycan Premyer Liqasının 28-ci turunda “Araz-Naxçıvan” üzərində 3:0 hesablı qələbə qazanıb.

Arena.az xəbər verir ki, bu, klub tarixinə iki yubileylə düşüb.

Qərb təmsilçisi Premyer Liqada 25-ci dəfə səfərdə qalib gəlib. Yubiley qələbəsi 69-cu matça təsadüf edib.

Tovuz klubu turnirin tarixində 25 və daha çox səfər qələbəsi qazanan 20-ci komanda olub. İlk belə nəticə 2022/2023-cü illər mövsümünə təsadüf edib. “Turan Tovuz” 2022-ci il avqustun 13-də “Səbail”in meydanından 3 xalla dönüb – 1:0.

“Araz-Naxçıvan”la görüş həm də tovuzluların Premyer Liqada 10-cu böyükhesablı qələbəsi kimi yadda qalıb. Evdə 4 dəfə üç və ya daha çox top fərqinə sevinmiş Tovuz təmsilçisi səfərdə 6-cı uğurunu əldə edib. İlk belə qələbə isə 2023-cü il mayın 5-də “Neftçi” ilə ev matçında qazanılıb – 4:0.