ain.az, Ayna portalına istinadən məlumat yayır.
"Bolqarıstanın və Avropanın rifahı və təhlükəsizliyi üçün birlikdə işləməyi səbirsizliklə gözləyirəm"
Avropa Bittifaqı (Aİ) liderləri Bolqarıstanın keçmiş Prezidenti Rumen Radevi yaratdığı ittifaqının parlament seçkilərindəki qələbəsi münasibətilə təbrik ediblər.
AYNA.AZ xarici mediaya istinadən bildirir ki, "Bolqarıstanın və Avropanın rifahı və təhlükəsizliyi üçün birlikdə işləməyi səbirsizliklə gözləyirəm", - deyə Avropa Komissiyasının prezidenti Ursula fon der Leyen “X” platformasında yazıb.
Leyen əlavə edib ki, “Bolqarıstan Avropa ailəsinin qürurlu üzvüdür və ortaq problemlərimizin həllində mühüm rol oynayır”.
Avropa Şurasının prezidenti António Kosta “X” platformasında yazıb ki, Radevlə telefonla danışıb və ona yeni vəzifəsində "uğurlar" arzulayıb.
Qeyd edək ki, dünən Bolqarıstanın Seçki Komissiyası parlament seçkilərinin rəsmi nəticələrini açıqlayaraq Rumen Radevin mərkəz-sol ittifaqı olan “Proqressiv Bolqarıstan”ın qələbəsini təsdiqləyib. Bütün səslər sayıldıqdan sonra məlum olub ki, “Proqressiv Bolqarıstan” səslərin 44,594 faizini toplayıb.
62 yaşlı Radev Rusiya ilə dialoq axtarır və Ukraynaya silah satışına qarşı çıxır. Eyni zamanda, o Aİ qərarlarını bloklamaq niyyətində olmadığını bildirir.
Bolqarıstanda son beş ildə səkkizinci dəfə parlament seçkiləri keçirilib. Bu müddət ərzində koalisiyalar ya dağılıb, ya da 2025-ci ilin dekabrında olduğu kimi, etirazların təzyiqi altında istefa verib.
Sonrakı hadisələr barədə daha çox məlumat almaq üçün ain.az saytını izləyin.
