Azərbaycan və Türkiyə arasında iqtisadi əlaqələr yeni mərhələyə qədəm qoyur. Milli Məclisin deputatı Vüqar Bayramovun sözlərinə görə, iki ölkə arasında ticarət dövriyyəsinin 15 milyard dollara çatdırılması əsas hədəf kimi müəyyən edilib.

2025-ci ilin göstəricilərinə əsasən, Azərbaycan–Türkiyə ticarət dövriyyəsi 5,7 milyard dolları ötüb və tərəflər qarşılıqlı ticarətdə əhəmiyyətli artım nümayiş etdirib. Azərbaycan Türkiyənin ikinci ən böyük ticarət tərəfdaşlarından biri kimi mövqeyini möhkəmləndirir.

Bundan əlavə, qarşılıqlı investisiyalar da genişlənməkdədir. İndiyədək Azərbaycan Türkiyə iqtisadiyyatına 20 milyard dollardan çox, Türkiyə isə Azərbaycana 18 milyard dollar sərmayə yatırıb.

Ekspertlər hesab edirlər ki, qarşılıqlı səfərlər və yüksək səviyyəli görüşlər iki ölkə arasında strateji əməkdaşlığı daha da gücləndirəcək və iqtisadi münasibətlərdə yeni mərhələnin əsasını qoyacaq.

• Türkiyə
• Azərbaycan
• Ticarət
• Iqtisadiyyat