ABŞ prezidenti Donald Tramp bəyan edib ki, əgər o dövrdə (1965-1973-cü illər) Amerika lideri olsaydı, Vyetnam və İraqdakı müharibələrdə tez bir zamanda qalib gələ bilərdi.
Musavat.com xəbər verir ki, o, bu fikri CNBC-yə verdiyi müsahibədə səsləndirib.
"Mən Vyetnama beş ay ərzində qalib gələrdim. Prezident olsaydım, İraqı da eyni müddətdə götürərdim”, - deyə Tramp vurğulayıb.
Ağ Ev rəhbəri daha əvvəl ABŞ-nin əvvəlki prezidentlərinin İranla açıq müharibəyə başlamaq üçün cəsarətinin olmadığını bildirmişdi.
17 apreldə Tramp ABŞ-ın İranla münaqişəni "bir-iki gün" ərzində həll etmək üçün yekun razılaşma bağlamaq niyyətində olduğunu açıqlayıb.
Musavat.com
