Hakim Yeni Azərbaycan Partiyasının İdarə Heyətinin Mərkəzi Seçki Komissiyasının üzvlüyünə təqdim etdiyi 6 namizədin sırasında hazırda MSK-da YAP-ı təsdiq edən üzvlərdən ikisinin adı yer almayıb. Onlardan biri sabiq deputat Şaiddin Əliyev, digəri isə Validə Kazımovadır.
Musavat.com-un bir ay öncə yazdığı “MSK-da “təmizləmə”: köhnə heyətin yarısı gedir – Hakimiyyət yeni seçki komandası qurur” xəbəri təsdiqlənmiş oldu.
Hakim partiya adı çəkilən şəxslərin yerinə Elmar Eldar oğlu Məmmədovu və Elanər Eyyub qızı Mustafayevanın namizədliyini təsdiqləyib. Elmar Məmmədov hazırda YAP Mərkəzi Aparatının Təşkilat şöbəsinin əməkdaşıdır. Elnarə Mustafayeva isə hakim partiyanın Yasamal Rayon Təşkilatının sədr müavini vəzifəsində çalışır.
Etibar Seyidağa,
Musavat.com
