İspaniya La Liqasının 33-cü turunda “Barselona” və “Selta” komandaları qarşılaşıb.
90deqiqe.Az-ın məlumatına görə, oyun “Spotify Kamp Nou” stadionunda (Barselona, İspaniya) keçirilib. Matçın baş hakimi Xose Maria Sançes Martines olub. Görüş ev sahibinin 1:0 hesablı qələbəsi ilə başa çatıb.
Oyunda yeganə qolu 40-cı dəqiqədə “Barselona”nın hücumçusu Lamin Yamal vurub. Futbolçu 45+9-cu dəqiqədə zədə səbəbindən əvəzlənib.
Çempionatda 32 oyundan sonra “Barselona” 82 xalla turnir cədvəlinə başçılıq edir. “Selta” isə 44 xalla 7-ci pillədə qərarlaşıb.
Növbəti turda “Barselona” 25 aprel tarixində səfərdə “Xetafe” ilə, “Selta” isə bir gün sonra “Vilyarreal” ilə qarşılaşacaq.
