Psixoloqlar və numeroloqlar maraqlı bir iddia ilə çıxış ediblər. Belə ki, doğulduğunuz gün, uşaqlıq illərinizdəki davranışlarınızın və şəxsiyyətinizin formalaşmasında həlledici rol oynayır.
Pravda.az-ın məlumatına görə, doğum tarixinə əsasən uşaqların xarakter xüsusiyyətlərini qruplaşdırmaq mümkündür.
Doğum tarixinə görə uşaqlıq portretiniz:
Ayın 1, 10, 19 və 28-də doğulanlar: "Kiçik liderlər"
Bu tarixlərdə doğulan uşaqlar təbiətcə müstəqilliyə meyllidirlər. Onlar uşaq yaşlarından hər şeyi özləri etmək istəyir, əmr almağı sevmirlər. Oyun qruplarında adətən qaydaları qoyan tərəf olurlar.
Ayın 2, 11, 20 və 29-da doğulanlar: "Həssas qəlblər"
Bu uşaqlar olduqca emosional və xəyalpərəst olurlar. Təklikdə qalmağı və oyuncaqları ilə sakitcə oynamağı sevirlər. Ətrafdakıların enerjisini tez hiss etdikləri üçün sülh tərəfdarıdırlar.
Ayın 3, 12, 21 və 30-da doğulanlar: "Söhbətcil və yaradıcı"
Əgər uşaqlıqda susmaq bilmirdinizsə, böyük ehtimalla bu qrupdasınız. Onlar çox sosialdırlar və hər kəsin diqqət mərkəzində olmağı xoşlayırlar. Yaradıcılıq qabiliyyətləri olduqca yüksəkdir.
Ayın 4, 13, 22 və 31-də doğulanlar: "İnadkar və nizamlı"
Bu uşaqlar üçün qaydalar önəmlidir. Oyuncaqlarını müəyyən bir sırayla düzmək və ya planlı hərəkət etmək onların xarakteridir. Olduqca inadkar ola bilərlər; bir şeyi istədilərsə, mütləq əldə etməlidirlər.
Qeyd: Uşaqlıq illərindəki bu meyillər, insanın yetkinlik dövründəki karyera və münasibət seçimlərinə də birbaşa təsir göstərir. Doğum tarixi sadəcə bir rəqəm deyil, xarakterin kodudur.
Əminə Bayramova
