“Milan”ın hücumçusu Rafael Leao yayda komandasını dəyişə bilər.
Sportinfo.az “Daily Mail”-ə istinadən xəbər verir ki, “qırmızı-qaralar” portuqaliyalı forvardı transfer pəncərəsində satmağa hazırdır.
Leaonun xidmətində Avropanın bir neçə top-klubu maraqlıdır. Onların arasında “Mançester Siti”, “Liverpul” və “Real” kimi klublar var.
“Milan” 26 yaşlı futbolçunun satışından təxminən 60 milyon funt-sterlinq gəlir əldə etməyi planlaşdırır. O, 2019-cu ildə “Lill”dən 49 milyon avroya transfer olunub.
Leaonun “Milan”la müqaviləsinin müddəti 2028-ci ilin iyununa qədərdir. O, cari mövsümdə 27 oyunda iştirak edib, 10 qol vurub və 3 məhsuldar ötürmə verib.
