Demokrat.az portalından alınan məlumata görə, ain.az xəbər verir.
İşə hər gün vaxtında gəlib, amma il boyu barmağını belə tərpətmədən maaş almaq bir çoxu üçün xəyal kimi görünə bilər. Londonda proqram təminatı şirkətində çalışan Leyla Kazim bu xəyalı acı bir reallığa çevirərək rəhbərliyin diqqətsizliyini sınağa çəkib.Demokrat.az xəbər verir ki, hazırda televiziya ulduzu kimi tanınan Leyla Kazim keçmiş iş yerindəki qəribə təcrübəsini "Daily Star" nəşrinə danışıb. Onun sözlərinə görə, şirkətdə aparılan struktur dəyişikliyindən sonra vəzifəsi tamamilə əhəmiyyətsiz hala gəlib. Yeni rəhbərinin onun öhdəliklərindən xəbərsiz olduğunu görən qadın maraqlı bir təcrübəyə əl atıb. O, işləməyi dayandıracağı təqdirdə bunun nə vaxt fərq ediləcəyini öyrənmək istəyib. Nəticə isə gözlədiyindən də təəccüblü olub, çünki düz bir il boyunca heç kim onun boş oturduğunu anlamayıb.Leyla Kazim ofisdə "fəaliyyət" görüntüsü yaratmaq üçün müxtəlif üsullardan istifadə edib. Əsas hiyləsi isə monitorunda həmişə rəqəmlərlə dolu elektron cədvəllər saxlamaq olub. Ətrafdakılar onun gərgin işlədiyini düşündüyü halda, qadın əslində gələcək həyat yoldaşı ilə çıxacağı səyahətləri planlaşdırıb, otellər sifariş edib və büdcə hazırlayıb. Həftədə cəmi bir-iki elektron məktub göndərməklə və iclaslardan bir neçə dəqiqə əvvəl başqalarının hazırladığı məlumatları slaydlar halına salmaqla rəhbərliyi aldatmağı bacarıb.İş mühitini "qarışıq bir komediya"ya bənzədən Leyla Kazim iclaslarda əmin tonla çıxış edərək rəhbərliyini uğurlu nəticələr əldə etdiyinə inandırıb. Heç bir iş görmədən keçən on ayın sonunda o, həm səyahət planlarını tamamlayıb, həm də şirkətin idarəetmə sistemindəki boşluqları üzə çıxarıb.İsmayıl
Demokrat.az
Hadisənin gedişatını izləmək üçün ain.az saytında ən son yeniliklərə baxın.
