ABŞ Maliyyə Nazirliyinin Xarici Aktivlərə Nəzarət İdarəsi (OFAC) Çinin Hengli Neft-Kimya, (Dalian) Neft Emalı Zavoduna qarşı sanksiyalar tətbiq etdiyini elan edib.
Ölkə.az xəbər verir ki, bu barədə ABŞ Maliyyə Nazirliyi məlumat yayıb.
Bildirlib ki, Çin neft emalı zavodları İranın xam neftinin böyük hissəsini alır və beləliklə, Tehran üçün vacib gəlir mənbəyini təşkil edir.
Bundan əlavə, İranın neft və neft-kimya məhsulları daşıyan sözdə "kölgə donanması"nın bir hissəsi olan təxminən 40 gəmiçilik şirkətinə və gəmisinə məhdudiyyətlər tətbiq edilib. ABŞ hakimiyyəti hesab edir ki, bu daşımalar Tehrana maliyyə dəstəyi verir.
ABŞ Maliyyə Nazirliyi qeyd edib ki, tədbirlər "İqtisadi Qəzəb" Əməliyyatının bir hissəsi olaraq həyata keçirilir və İranın Yaxın Şərqdəki fəaliyyətlər üçün istifadə etdiyi gəlirləri azaltmağa yönəlib.
“İqtisadi qəzəb İran rejiminə maliyyə boğucu təsir göstərir, onun Yaxın Şərqdəki təcavüzünün qarşısını alır və nüvə ambisiyalarının qarşısını almağa kömək edir. Prezident Trampın göstərişi ilə Maliyyə Nazirliyi İranın neftini qlobal bazarlara daşımaq üçün etibar etdiyi gəmilər, vasitəçilər və alıcılar şəbəkəsini sıxışdırmağa davam edəcək. Bu axınları gizli ticarət və maliyyə əməliyyatları vasitəsilə asanlaşdıran istənilən şəxs və ya gəmi ABŞ sanksiyaları riski ilə üzləşir”, - ABŞ maliyyə naziri Skot Bessent bildirib.
Mürtəza
