İngiltərə 5-ci Liqasında keçirilən "Roçdeyl" - "York Siti" matçı dramatik sonluqla yadda qalıb.
QOL.az xəbər verir ki, çempionluq uğrunda oyuna 105 xalla başlayan "Roçdeyl" və 107 xala malik "York Siti"nin mübarizəsinin əsas vaxtında hesab açılmayıb.
"Roçdeyl" 90+5-ci dəqiqədə hesabı açaraq erkən çempionluğu azarkeşlərlə böyük coşqu ilə qeyd etsə də, matçın sonunda nəticə fərqli olub. Belə ki, "York Siti" 90+13-cü dəqiqədə bərabərlik qolunu vuraraq çempionluğunu təmin edib.
Qeyd edək ki, bu nəticədən sonra xalını 108-ə yüksəldən "York Siti" çempion olaraq yuxarı liqaya vəsiqə qazanıb, "Roçdeyl" isə 106 xalla mövsümü ikinci sırada başa vurub.
