Hərbi aviasiya vasitələrinin İsrail, BƏƏ və İordaniyada yerləşdirildiyi bildirilir…
Poliqon xəbər verir ki, ABŞ Yaxın Şərqdəki hərbi mövcudluğunu gücləndirir. Məlumata görə, Vaşinqton regiona öz bazalarından onlarla döyüş təyyarəsi və havada yanacaqdoldurma təyyarəsi göndərir.
Bildirilir ki, hərbi texnika İsrail, Birləşmiş Ərəb Əmirlikləri və İordaniya ərazisində yerləşdirilir. Bu addım regionda təhlükəsizlik vəziyyətinin gərginləşməsi fonunda ABŞ-nin operativ imkanlarını artırmaq məqsədi daşıyır.
Havada yanacaqdoldurma təyyarələrinin bölgəyə göndərilməsi ABŞ aviasiyasının uzaq məsafəli əməliyyat imkanlarını genişləndirə bilər. Döyüş təyyarələrinin yerləşdirilməsi isə Vaşinqtonun regiondakı müttəfiqlərinə dəstək vermək və mümkün təhdidlərə çevik reaksiya göstərmək niyyətini nümayiş etdirir.
Hazırda ABŞ tərəfi hərbi aviasiya vasitələrinin konkret sayı və yerləşdirilmə müddəti barədə əlavə məlumat açıqlamayıb.
Poliqon.info
