ain.az, Demokrat.az portalına istinadən məlumatı açıqlayır.
Yuxu aləminin sirli qapıları həyatın sona yaxınlaşdığı anlarda heç olmadığı qədər təsirli və mənalı görüntülərlə açılır. Elm dünyasının ilk dəfə bu qədər dəqiq faktlarla ortaya qoyduğu araşdırma nəticələri, zehnimizin vida etməzdən dərhal əvvəl niyə müəyyən obrazlara sığındığını maraqlı şəkildə izah edir.Demokrat.az xəbər verir ki, İtaliyada aparılan yeni araşdırma ölüm yatağındakı xəstələrlə yaxından maraqlanan mütəxəssislərin, tibb bacılarının və könüllülərin müşahidələrinə əsaslanır.Məlum olub ki, ömrünün son günlərini yaşayan insanların gördüyü yuxular əslində düşündüyümüzdən daha dərin mənalar daşıyır. Bu təcrübələr psixoloji rahatlama vasitəsi kimi çıxış edərək insanın ölüm qorxusunu yenməsinə kömək edir.Araşdırmalar nəticəsində həyatın son mərhələsində ən çox rast gəlinən mövzular müəyyən edilib. Çox sayda xəstə yuxusunda vəfat etmiş yaxınlarını gördüyünü və onlarla yenidən bir araya gəldiyini bildirir. Bu hal insanda böyük bir hüzur və qəbul etmə hissi yaradır. Bundan başqa, parlaq işıqlar, açıq qapılar, pilləkənlər və ya sahil kənarında qaçan ağ atlar kimi simvollar da tez-tez təkrarlanır. Bu obrazlar bir vəziyyətdən digərinə keçidi təmsil edən dinc rəmzlər kimi qiymətləndirilir.Lakin hər yuxu hüzurverici olmur. Bəzi xəstələr qaranlıq fiqurlar və ya narahatlıq doğuran görüntülər də görə bilirlər. Elm adamları qeyd edir ki, belə neqativ yuxular əslində insanın daxili dünyasındakı bitməmiş münaqişələrin, həyatdan vazkeçmə qorxusunun və ya qarşılanmamış emosional ehtiyacların əksidir.Xəstələr adətən ətraflarında "ağlı qarışmış" kimi görünməkdən və ya mühakimə olunmaqdan qorxduqları üçün bu təcrübələrini paylaşmaqdan çəkinirlər. Lakin bu yuxular haqqında danışmaq, insanın ölümü daha sakit qarşılamasına kömək edən ən güclü vasitədir. Alimlər vurğulayır ki, bir xəstənin "işıqla dolu qapıya doğru dırmanıram" deməsi, onun daxilən hüzurlu bir vidaya hazırlaşdığının sübutudur.Növbəti addım olaraq bu yuxuların beyindəki hansı neyrobioloji proseslərlə bağlı olduğu araşdırılır. Görünən odur ki, təbiət bizi son ana qədər tək qoymur və vidalaşmaq üçün zihnimizdə özünəməxsus hüzur dünyası yaradır.İsmayıl
Demokrat.az
Sonrakı hadisələr barədə daha çox məlumat almaq üçün ain.az saytını izləyin.
