Yaponiyanın avtomobil korporasiyası “Toyota Motor” 2025-ci maliyyə ilində (31 mart 2025-ci ildə başa çatıb) 10,47 milyondan çox avtomobil satıb. Şirkətin materiallarına əsasən, beləliklə, son iki ildən sonra yenidən satış rekordu qeydə alınıb.
Yerli analitiklərin qeyd etdiyinə görə, satışlar müxtəlif problemlərə baxmayaraq rekord səviyyədə olub. Bu problemlər sırasında Donald Tramp administrasiyasının tətbiq etdiyi ticarət tarifləri də var ki, bunlar xüsusilə Yaponiyanın avtomobil sektoru üçün ağrılı olub.
Rekordun qeydə alınmasına Yaxın Şərq ölkələrinə ixracın kəskin azalması da mane olmayıb. Bu göstərici mart ayında ABŞ və İsrailin zərbələrindən sonra İran ətrafında vəziyyətin gərginləşməsi səbəbindən 46,4% azalıb.
2025-ci maliyyə ilində “Toyota”nın qlobal satışları 2% artıb. Bu zaman Yaponiyada satışlar 2% azalaraq 1,48 milyon ədəd təşkil edib, xaricdə isə satışlar 2,7% artaraq 9 milyon ədədə çatıb.
