Rusiya Silahlı Qüvvələrinin Odessaya endirdiyi zərbə nəticəsində 10 nəfər tibbi yardım üçün müraciət edib.
Bizim.Media xəbər verir ki, yaralananlar arasında 2 uşaq da var.
Məlumata görə, ən çox dağıntı Primorsk rayonunda qeydə alınıb. Burada yaşayış evləri, hotel və şəhərin mərkəzində yerləşən bir sıra obyektlər zərər görüb.
Bildirilib ki, xəsarət alanların əksəriyyəti, o cümlədən uşaqlar da məhz bu rayonda olub.
Həmçinin Hacıbəy və Kiyev rayonları da zərbəyə məruz qalıb. Həmin ərazilərdə çoxmərtəbəli yaşayış binalarına, fərdi evlərə və nəqliyyat vasitələrinə ziyan dəyib.
Bizim.Media
