Böyük Britaniya Kralı III Çarlz və Kraliça Kamilla ABŞ-yə dövlət səfərinə başlayırlar.
AZƏRTAC xarici mediaya istinadla xəbər verir ki, səfər dörd gün davam edəcək və əsasən ABŞ Prezidenti Donald Trampın 2019-cu və 2025-ci illərdə Böyük Britaniyaya etdiyi iki dövlət səfərinə qarşılıq xarakteri daşıyır.
Kralın səfəri ABŞ-nin Böyük Britaniyadan müstəqilliyinin 250 illiyi ilə üst-üstə düşür. Bu cür tədbirlərdə olduğu kimi, burada da əsas vurğu yüksək təmtəraq və mərasimlərə, eləcə də mühüm simvolik hadisələrə yönəldilib. III Çarlz son 25 ildə Kapitolidə çıxış edən ilk Britaniya monarxı olacaq. 1991-ci ildə onun anası, Kraliça II Yelizaveta (1926–2022) bu şərəfə layiq görülən ilk monarx olub. Bu hadisə onun ABŞ-yə 13 günlük dövlət səfəri zamanı baş verib.
II Yelizaveta hakimiyyəti dövründə ABŞ-yə dörd dəfə dövlət səfəri edib: 1957, 1976, 1991 və 2007-ci illərdə. Hazırkı Kral isə Uels şahzadəsi (taxt-tacın varisi) kimi ABŞ-yə 19 dəfə səfər edib.
