Azərbaycan Əmək və Sosial Münasibətlər Akademiyası (AƏSMA) ilə Türkiyənin nüfuzlu ali təhsil müəssisələrindən biri olan Başkent Universiteti arasında əməkdaşlıq haqqında memorandum imzalanıb.
"Unikal" xəbər verir ki, memorandumun əsas məqsədi iki ali təhsil müəssisəsi arasında akademik və elmi əməkdaşlığın genişləndirilməsi, təcrübə mübadiləsinin təşkili, birgə layihələrin həyata keçirilməsi və tələbə-müəllim mübadilə proqramlarının inkişaf etdirilməsidir.
