Bizimyol saytından verilən məlumata əsasən, ain.az məlumatı açıqlayır.
Almaniyanın "BSW" (Sahra Wagenknecht Ağıl və Ədalət Birliyi) partiyasının qurucusu Sara Vagenknext ölkədə hərbi xərclərin sürətlə artmasını sərt tənqid edərək hakimiyyəti silahlanmaya moratorium tətbiq etməyə çağırıb.
Bizimyol.info xəbər verir ki, o, bu barədə sosial şəbəkədə paylaşımında bildirib.
"Almaniyanın hərbi xərcləri artmaqda davam edir və 2025-ci ildə 97 milyard avroya çataraq ölkəni dünyada dördüncü yerə çıxarıb", - deyə o qeyd edib. Vagenknextin sözlərinə görə, bu rəqəm hələ son hədd deyil və təkcə bu il yenidən silahlanma və Ukraynaya ayrılan vəsaitlər 120 milyard avroya qədər yüksələ bilər.
“Vətəndaş xərclərini haradan azaltmaq barədə mübahisə etməkdənsə, CDU/CSU və SPD silahlanmaya moratorium tətbiq etməlidir. Əgər hərbi xərclər 2021-ci il səviyyəsində dondurulsaydı, Almaniya yalnız cari qanunvericilik dövründə 276 milyard avro qənaət edə bilərdi”, – deyə siyasətçi vurğulayıb.
Onun fikrincə, bu addım büdcə problemlərini həll etməyə və ölkənin real sosial ehtiyaclarına böyük maliyyə vəsaitləri yönəltməyə imkan verərdi. Vagenknext qeyd edib ki, bu vəsaitlərin bir hissəsi ilə Almaniyadakı bütün köhnə məktəbləri təmir etmək mümkün olardı.
Siyasətçi bu fikirləri Stokholm Beynəlxalq Sülh Araşdırmaları İnstitutunun (SIPRI) yeni hesabatına münasibət bildirərkən səsləndirib. Hesabata görə, 2025-ci ildə NATO-ya üzv 32 ölkənin hərbi xərcləri 1,581 trilyon dollar təşkil edib ki, bu da qlobal xərclərin 55 faizinə bərabərdir.
SIPRI-nin məlumatına əsasən, Avropadan NATO üzvü olan 29 ölkə ümumilikdə 559 milyard dollar xərcləyib və onların 22-də hərbi xərclər ÜDM-in ən azı 2 faizinə çatıb. Almaniya isə 114 milyard dollarla ən böyük xərcləyən ölkə olub, bu göstərici əvvəlki illə müqayisədə 24 faiz artıb və ÜDM-in 2,3 faizinə yüksəlib.
Rusiya isə Almaniyanın yenidən hərbiləşməsi ilə bağlı narahatlığını dəfələrlə ifadə edib. Rusiya Xarici İşlər Nazirliyinin sözçüsü Mariya Zaxarova bildirib ki, Almaniya hərbiləşmə siyasətində keçmişin acı nəticələrini unudub.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
