Norveç Futbol Assosiasiyasının prezidenti Lise Klaveness Beynəlxalq Futbol Assosiasiyaları Federasiyasını (FIFA) 2025-ci ildə təşkilat tərəfindən təsis edilmiş FIFA Sülh Mükafatını ləğv etməyə çağırıb.
Newscenter.az xəbər verir ki, bu barədə The Athletic qəzeti məlumat yayıb. Qəzetin verdiyi məlumata görə, Klaveness bildirib ki, FİFA siyasi cəhətdən neytral qalmalı və belə bir mükafatı vermək üçün nə səlahiyyəti, nə də resursları olmalıdır.
Qeyd edək ki, dekabr ayında idmanda demokratik idarəetmə üzrə ixtisaslaşmış qeyri-kommersiya təşkilatı olan FairSquare, təşkilatın prezidenti Canni İnfantinoya qarşı iddia edilən neytrallıq pozuntularına görə FIFA-nın Etika Komitəsinə şikayət ərizəsi təqdim edib və ABŞ prezidenti Donald Trampa FIFA Sülh Mükafatının təqdim edilməsi ilə bağlı araşdırılma aparılmasını tələb edib.
Tramp 2026-cı il Dünya Kubokunun püşkatması zamanı ona təqdim edilən FIFA Sülh Mükafatının ilk laureatı olub. FIFA mükafatı 5 noyabrda elan edib. Bu mükafat hər il sarsılmaz sədaqəti və görkəmli nailiyyətləri ilə insanları sülh naminə bir araya gətirməyə kömək edən şəxslərə təqdim olunacaq.
Mehman
