Olke.az saytından verilən məlumata əsasən, ain.az məlumatı açıqlayır.
BƏƏ-nin OPEC və OPEC+ təşkilatlarından çıxması neft kartelinə və onun de-fakto lideri Səudiyyə Ərəbistanına "ciddi zərbə" olacaq.
"Ölkə.az" xəbər verir ki, bunu Financial Times (FT) qəzeti yazıb.
Məqalədə qeyd edilir ki, İran müharibəsindən əvvəl gündə 3,4 milyon barel neft hasil edən OPEC-in üçüncü ən böyük neft istehsalçısı tərəfindən elan edilən qərar, neft ixrac edən qrupa qarşı istehsal kvotaları və Səudiyyə Ərəbistanı ilə davam edən gərginliklər səbəbindən uzun müddətdir davam edən narazılığı ortaya çıxarıb.
BƏƏ-nin energetika naziri Suhail Əl-Məzrui nəşrə bildirib ki, bu, ölkənin uzunmüddətli strateji və iqtisadi vizyonuna əsaslanan suveren milli qərardır.
"Biz qrupun işində fəal iştirak etdik və bütün qərarlarını dəstəklədik. Lakin indi gələcək haqqında düşünməyin vaxtıdır. Bizim fikrimizcə, vaxt uyğundur, çünki bunun bütün istehsalçılara minimal təsiri olacaq", - nazir əlavə edib.
Nəşr qeyd edir ki, belə bir addımın tam nəticələri Hörmüz boğazından neft və qaz nəqlinin bərpasından sonra mümkün olacaq.
Rystad Energy konsaltinq şirkətinin geosiyasi təhlil rəhbəri Xorxe Leo deyib ki, BƏƏ olmadan neft karteli "struktur baxımından daha zəif" olacaq, çünki ehtiyatın azalması OPEC-in təchizatı tənzimləməsini və qiymətləri sabitləşdirməsini daha da çətinləşdirəcək.
Elvin
Ölkə.az
Ən son xəbərləri və yenilikləri almaq üçün ain.az saytını izləyin.
