ABŞ Konqresinin yuxarı palatası Vaşinqton administrasiyasının qanunvericilik icazəsi olmadan Kubaya qarşı hərbi güc tətbiqini qadağan etməsini tələb edən qətnamənin qəbulunu nəzərdə tutan təklifi bloklayıb.
Musavat.com xəbər verir ki, hazırkı ABŞ administrasiyasına qarşı çıxan Demokrat Partiyasının nümayəndələri qətnaməni sürətləndirilmiş prosedurla Senata təqdim etməyə çalışıblar, lakin təşəbbüs bloklanıb. Qırx yeddi senator qətnamənin lehinə, 51-i isə əleyhinə səs verib.
Qeyd edək ki, son aylarda Demokratlar dəfələrlə Konqresdə administrasiyanın hərbi güc tətbiqini məhdudlaşdıran qətnamələr təqdim ediblər. Lakin həm Nümayəndələr Palatasında, həm də Senatda çoxluğa sahib olan Respublikaçılar prezidenti dəstəkləyib və rəqiblərinin qanunvericilik təşəbbüslərini bloklayıblar. ABŞ Konstitusiyası müharibə elan etmək səlahiyyətini prezidentə deyil, Konqresə verir. Lakin son onilliklərdə Amerika liderləri qanunvericilər tərəfindən xaricdə hərbi güc tətbiq etmək, o cümlədən mahiyyət etibarilə yeni əməliyyatlara başlamaq üçün verilən səlahiyyətləri çox geniş şəkildə icra ediblər. Konqresin bir neçə üzvü dövlət başçısının yalnız qanunvericilik təsdiqi ilə hərbi güc tətbiq etməsini tələb edən qətnamələr təqdim edib. Lakin bu qətnamələrin heç biri hələ qəbul edilməyib.
Musavat.com
