Müəllif:Mehin Qasımova,Banco.az
Dünya Bankı (DB) 2026-cı ildə əmtəə qiymətlərinin 16% artacağını proqnozlaşdırır.
Banco.az xəbər verir ki, bu hesablamalar DB-nin əmtəə bazarlarının proqnozu ilə bağlı yeni hesabatında yer alıb.
Hesabatda ABŞ-İsrail müharibəsinin İranla mənfi iqtisadi nəticələri vurğulanır.
Dünya Bankının hesabatında deyilir ki, ümumi əmtəə qiymətlərinin 2026-cı ildə 16% artacağı proqnozlaşdırılır ki, bu da enerji və gübrə qiymətlərinin kəskin artması, eləcə də bir neçə əsas metalın rekord həddə çatması ilə əlaqədardır. Lakin ekspertlər qeyd edirlər ki, əgər hərbi əməliyyatlar şiddətlənərsə və ya müharibənin yaratdığı təchizat fasilələri gözləniləndən daha uzun sürərsə, əmtəə qiymətləri daha da arta bilər.
Ekspertlər vurğulayırlar ki, əmtəə qiymətlərinin artması inflyasiyanı sürətləndirəcək və dünya üzrə iqtisadi artımı yavaşlatacaq:
"Münaqişədən birbaşa təsirlənən iqtisadiyyatlar ən çox zərbə alacaq, dünya üzrə əmtəə idxal edən ölkələrin 70%-də və əmtəə ixrac edən ölkələrin 60%-dən çoxunda artım tempi yanvar ayında proqnozlaşdırılandan potensial olaraq aşağı olacaq".
