"Konyaspor" - "Fənərbaxça" matçı zamanı stadionun üzərindən uçan F-16 və Sikorski UH-60 helikopterləri müzakirə mövzusuna çevrilib.
"Unikal" Türkiyə mətbuatına istinadən xəbər verir ki, hadisə aprelin 21-də baş verib. Belə ki, "Konyaspor"un "Fənərbaxça"nı məğlub etdiyi oyunda, ilk hissədə stadionun üzərindən uçan F-16 və Sikorski UH-60 diqqət çəkib.
Uçuşların "Konyaspor"la yaxın əlaqələri ilə tanınan Konya 3-cü Əsas Reaktiv Bazası və Qarnizonunun komandiri general-mayor Mete Kuşun əmri ilə həyata keçirildiyi məlum olub. Bu, Türkiyə Silahlı Qüvvələri daxilində narazılıqla qarşılanıb.
Hadisədən sonra general-mayor Mete Kuş başqa vəzifəyə təyin edilib. O, Konyadakı 3-cü Əsas Reaktiv Baza və Qarnizon komandiri vəzifəsindən uzaqlaşdırılaraq Hərbi Hava Qüvvələri Komandanlığı Qərargahına təyinat alıb.
Bu təyinat Türkiyə Silahlı Qüvvələri daxilində "rütbənin aşağı salınması" kimi şərh edilib.
Gülayə Mecid
