Bakı, 29 aprel, AZƏRTAC
Avropa Komissiyasının (AK) sədri Ursula fon der Lyayen Avropa Parlamentində Ukraynaya üçün 90 milyard avroluq kreditin 45 milyard avroluq ilk tranşının cari ilin ikinci rübünün sonunadək veriləcəyini açıqlayıb.
AZƏRTAC xəbər verir ki, Ursula fon der Lyayenin sözlərinə görə, həmin vəsaitin üçdəbiri büdcə ehtiyacları, üçdəikisi isə Ukraynanın müdafiə xərcləri üçün ayrılıb. Brüsselin Kiyevi dəstəkləməyə davam edəcəyinə dair parlamentinin üzvlərinə zəmanət verən AK sədri ilk müdafiə paketinin Ukraynaya təxminən 6 milyard avro dəyərində dronların tədarükü üçün nəzərdə tutulduğunu bildirib.
Xatırladaq ki, aprelin 23-də Avropa İttifaqı Şurası 2026-2027-ci illərdə Ukraynaya 90 milyard avro kredit ayrılması barədə qərar qəbul edib.
