Rusiyalı milyarder Aleksey Mordaşova məxsus superyaxta, ABŞ-ın davam edən blokadasına baxmayaraq, Hörmüz boğazından keçib.
Sanksiyalar altında olan Mordaşova məxsus 142 metr uzunluğundakı “Nord” adlı lüks gəmi həftəsonu Dubaydan Omanın paytaxtı Maskat şəhərinə səyahət edib. Bu, son aylarda boğazdan keçən azsaylı özəl gəmilərdən biri olub.
İran boğazın yenidən açılması ilə bağlı ABŞ ilə davam edən gərginlik fonunda bu həftə Rusiya ilə yüksək səviyyəli danışıqlar aparıb.
Qlobal xam neft və mayeləşdirilmiş təbii qaz (LNG) tədarükünün təxminən beşdə biri normal olaraq bu su yolundan keçir.
Tahir TAĞIYEV
