Bir neçə gün əvvəl Bakı Metropolitenində qatarların hərəkətində problem yaşanıb və metronun fəaliyyəti bir neçə saatlıq dayandırılıb.
Bu hadisələr səbəbindən Bakı Metropoliteni nə qədər maliyyə itkisi ilə üzləşib?
NOCOMMENT.az xəbər verir ki, məsələ ilə bağlı “Bakı Metropoliteni” QSC-yə sorğu ünvanlanıb.
Qurumdan bildirilib ki, aprelin 21-də Bakı Metropolitenində baş vermiş hadisənin maliyyə zərəri əsasən sərnişin axınında müşahidə edilib:
“Belə ki, hadisə günü iş günləri üzrə orta sərnişin sayı 757 min səviyyəsindən 537 minə düşərək təxminən 29% azalma göstərib. Sonrakı günlərdə sərnişin sayı tədricən bərpa olunub. Nəticə etibarilə, hadisə baş verdiyi gündən etibarən ümumi sərnişin itkisi təxminən 267.4 min nəfər, birbaşa maliyyə itkisi isə təxminən bu saya uyğun qiymətləndirilir”.
Qeyd edək ki, verilən rəqəmlərə əsasən, Bakı Metropoliteninin təxmini maliyyə zərəri 160 min manat təşkil edir./globalinfo.az/
