ABŞ prezidenti İsrail liderinə qarşı məhkəmə prosesini tənqid edərək əfv çağırışını dəstəkləyib...
ABŞ prezidenti Donald Trump İsrail prezidenti Isaak Hersoq tərəfindən baş nazir Benyamin Netanyahu üçün mümkün əfv qərarının böyük siyasi nəticələr doğura biləcəyini bildirib.
Poliqon xəbər verir ki, bu barədə “Axios” portalı məlumat yayıb.
Tramp müsahibəsində Hersoqu tərifləyərək qeyd edib ki, o, Netanyahunu əfv edəcəyi təqdirdə “milli qəhrəman”a çevrilə bilər. ABŞ lideri bu addımı yüksək qiymətləndirəcəyini də vurğulayıb.
Eyni zamanda Tramp Netanyahuya qarşı artıq altı ildir davam edən korrupsiya məhkəməsini sərt tənqid edib. O, prosesi “şərab və siqarlar işi” kimi xarakterizə edərək bildirib ki, bu məhkəmə İsraili pis vəziyyətdə göstərir. ABŞ prezidenti xüsusilə müharibə şəraitində belə bir məhkəmə prosesinin davam etməsini doğru hesab etmədiyini ifadə edib.
Xatırladaq ki, Netanyahu daha əvvəl Hersoqa müraciət edərək əfv olunmasını xahiş edib və ittihamların aradan qaldırılmasının ölkədə milli birliyin möhkəmlənməsinə kömək edəcəyini bildirib.
Analitiklər hesab edirlər ki, bu məsələ İsrail daxilində siyasi balansı dəyişə və hakimiyyət daxilində yeni gərginliklərə səbəb ola bilər. Eyni zamanda ABŞ prezidentinin açıq dəstəyi mövzunun beynəlxalq diqqət mərkəzinə çıxmasına səbəb olub.
Poliqon.info
