Redaktor.az saytından əldə olunan məlumata görə, ain.az məlumat yayır.
Səudiyyə Ərəbistanı Premyer Liqasında “Əl-Əhli” ilə matçdan sonra “Əl-Nəsr”in portuqaliyalı hücumçusu Kriştiano Ronaldo flaş müsahibə zamanı azarkeşlərin təhqiredici reaksiyası ilə üzləşib.
Redaktor.az xəbər verir ki, bu barədə jurnalist Fabrizio Romano X sosial şəbəkə platformasında məlumat yayıb.
Məlumata görə, müsahibə zamanı rəqib komandanın azarkeşləri tribunadan Ronaldonu lağa qoymağa başlayıblar. Futbolçu isə buna cavab olaraq əlini qaldıraraq beş rəqəmini göstərib və “Mən Çempionlar Liqasını beş dəfə qazanmışam, beş!” deyib.
Qeyd olunub ki, aprelin 29-da keçirilən oyunda “Əl-Nəsr” Səudiyyə Ərəbistanı Premyer Liqasının 30-cu turunda “Əl-Əhli”ni 2:0 hesabı ilə məğlub edib. Matç Ər-Riyaddakı “Əl-Əvvəl Park” stadionunda baş tutub. Ronaldo 76-cı dəqiqədə Joao Feliksin ötürməsindən sonra hesabı açıb və bununla da karyerasında 970-ci qoluna imza atıb.
Bildirilib ki, fevral ayında Ronaldo klub rəhbərliyindən narazılıq səbəbindən bəzi oyunları boykot etmişdi. Məlumata görə, futbolçu klubun Səudiyyə Ərəbistanının Dövlət İnvestisiya Fondu (PIF) tərəfindən idarə olunmasından narazı idi və resurs bölgüsündə ədalətsizlik olduğunu düşünürdü. Daha sonra o, komanda ilə yenidən birləşib.
Aminə ŞAHSUVARQIZI
Hadisənin gedişatını izləmək üçün ain.az saytında ən son yeniliklərə baxın.
