ain.az, Azpolitika.az portalından verilən məlumatlara əsaslanaraq xəbər verir.
Türkiyə Radyo ve Televizyon Üst Kurulu (RTÜK) həftəlik iclasından sonra televiziya kanalları və rəqəmsal yayım platformalarına qarşı genişmiqyaslı sanksiyalar tətbiq edib. Qərarlar həm yerli media qurumlarını, həm də beynəlxalq platformaları əhatə edir.
Qurumun qərarına əsasən, Halk TV və Sözcü TV yayımlarında səsləndirilən bəzi fikirlərə görə inzibati cərimələr tətbiq olunub.
Halk TV-də yayımlanan “Sansürsüz” proqramında Cemal Enginyurtun Təhsil naziri Yusuf Tekinə ünvanladığı sərt tənqidlər “aşağılayıcı ifadələr” kimi qiymətləndirilib və kanala reklam dövriyyəsinin 2 faizi həcmində cərimə kəsilib.
Eyni qərarla Sözcü TV-də Sera Kadıgilin iştirak etdiyi proqramda səsləndirilən tənqidlərə görə reklam dövriyyəsinin 1 faizi həcmində cərimə tətbiq olunub. RTÜK bu ifadələri “dövlət qurumlarını aşağılama” kimi əsaslandırıb.
RTÜK qərarları yalnız xəbər və siyasi proqramlarla məhdudlaşmayıb.
“Yeraltı” serialı “şiddəti normallaşdırma” iddiası ilə reklam dövriyyəsinin 2 faizi həcmində cərimələnib. Serialın baş rol ifaçısı Uraz Kaygılaroğlu ilə bağlı əvvəlki müsbət ictimai reaksiyalara baxmayaraq, qurum məzmunu əsas götürərək qərar verib.
Eyni əsaslarla Kanal D kanalında yayımlanan “Eşref Rüya” serialı da sanksiyaya məruz qalıb.
Qərar beynəlxalq yayım platformalarını da əhatə edib. “Netflix” platformasında yayımlanan “Trigger”, “Prime Video”-nun “Gangs of Lagos” filmi və “HBO Max”-da yayımlanan “Altın Çocuk” serialına da reklam dövriyyəsinin 2 faizi həcmində cərimə tətbiq edilib.
RTÜK həmçinin həmin məzmunların platforma kataloqlarından çıxarılması barədə qərar verib.
“AzPolitika.info”
Sonrakı hadisələr barədə daha çox məlumat almaq üçün ain.az saytını izləyin.
