ABŞ müdafiə naziri İranla bağlı hərbi yanaşmanın fərqli olduğunu bildirib...
Poliqon xəbər verir ki, Pit Hegset İranla bağlı vəziyyətin İraq və Əfqanıstandakı əməliyyatlardan fərqli olduğunu bəyan edib. O, bəzi siyasi dairələrin iki ay sonra “məğlubiyyət” elan etməyə çalışdığını, lakin bu yanaşmanın reallığı əks etdirmədiyini bildirib.
Hegset qeyd edib ki, İraq və Əfqanıstan müharibələrinin illərlə davam edən və qeyri-müəyyən xarakter daşıyan missiyalar olduğunu xatırladıb. Onun sözlərinə görə, həmin əməliyyatlar geniş ictimai razılıqla həyata keçirilsə də, nəticələri uzunmüddətli və mürəkkəb olub.
ABŞ müdafiə naziri vurğulayıb ki, İranla bağlı mövcud strategiya daha konkret və dəqiq müəyyən edilmiş məqsədlərə əsaslanır. Onun sözlərinə görə, bu missiyanın əsas məqsədi nüvə silahı əldə etməyə çalışan “qətiyyətli düşmənə” qarşı mübarizə aparmaqdır.
Hegset əlavə edib ki, hazırkı əməliyyatlar çərçivəsində ciddi irəliləyiş əldə olunub və prosesin məqsədyönlü şəkildə davam etdirildiyini bildirib.
Analitiklərin fikrincə, bu bəyanatlar ABŞ daxilində İran siyasəti ilə bağlı debatların davam etdiyini və hərbi strategiyanın siyasi müzakirə mövzusu olaraq qaldığını göstərir.
Poliqon.info
