ABŞ prezidenti 60 günlük müddət tələbinin konstitusiyaya zidd olduğunu deyib...
Poliqon xəbər verir ki, Donald Tramp hərbi əməliyyatların davam etdirilməsi üçün Konqresin razılığını almaq niyyətində olmadığını açıqlayıb. O bildirib ki, əməliyyatların başlanmasından 60 gün keçsə belə, ABŞ administrasiyası əlavə təsdiq üçün qanunverici orqana müraciət etməyəcək.
Trampın sözlərinə görə, dünyada heç bir ölkə bu cür mexanizmlə fəaliyyət göstərmir və bir çox hüquqşünas belə tələbləri konstitusiyaya zidd hesab edir. O vurğulayıb ki, prezidentin hərbi qərarları operativ şəkildə qəbul etməsi vacibdir və bu prosesin Konqreslə uzlaşdırılması praktiki baxımdan effektiv deyil.
Keçmiş prezident əlavə edib ki, hazırkı atəşkəs rejimi vəziyyəti müəyyən qədər sabitləşdirir və təcili qərarların qəbuluna ehtiyacı azaldır. Onun fikrincə, bu, administrasiyaya əlavə vaxt qazandırır və hərbi əməliyyatların gələcək taleyi ilə bağlı daha çevik strategiya qurmağa imkan verir.
Məlumat üçün qeyd edək ki, ABŞ-nin 1973-cü il Hərbi Səlahiyyətlər Aktı prezidentin hərbi əməliyyatlara başladıqdan sonra 60 gün ərzində ya əməliyyatları dayandırmasını, ya da onların davamı üçün Konqresdən rəsmi icazə almasını tələb edir. Əks halda, qanuna əsasən, ABŞ silahlı qüvvələri geri çəkilməlidir. Bununla belə, təhlükəsiz çıxarılma üçün əlavə 30 günlük qısa möhlət nəzərdə tutulur.
Poliqon.info
