ABŞ və İsrailin 28 fevralda İrana qarşı başlatdığı birgə hücumlar və digər hərbi fəaliyyətlər ABŞ-ın hüquqi çərçivəsində müzakirə olunmağa davam edir.
Turkustan.az xəbər verir ki, ABŞ ilə İran arasında siyasi və hərbi gərginlik sürsə də, Ağ Ev Konqresə göndərdiyi məktubda İranla bağlı düşmənçiliklərin başa çatdığını bildirib.
ABŞ Prezidenti Donald Trampın imzası ilə Nümayəndələr Palatasının spikeri Mayk Consona ünvanlanan məktubda qeyd olunur ki, “28 fevral 2026-cı ildə başlayan düşmənçiliklər sona çatıb”. Bununla yanaşı, sənəddə münaqişənin tam başa çatmadığı da vurğulanır.
Məktubda bildirilir: “ABŞ-ın İran rejiminə qarşı əməliyyatlarının uğuruna və davamlı sülhə nail olmaq üçün görülən tədbirlərə baxmayaraq, İranın ABŞ və silahlı qüvvələrimiz üçün yaratdığı təhlükə hələ də ciddi olaraq qalır.”
Aytən Yaşar/ Turkustan.az
