BAKI,TurkicWorld
Qruplaşmanın yaydığı məlumatda bildirilir ki, əl-Qantara şəhərində İsrail əsgərləri raket atəşi və artilleriya zərbələri ilə hədəfə alınıb. Hizbullah bu əməliyyatların döyüşçüləri tərəfindən həyata keçirildiyini göstərən video material da yayımladığını açıqlayıb.
Eyni zamanda, təşkilat Əl-Bayada şəhərində də İsrail hərbçilərinə qarşı oxşar hücumların baş verdiyini və nəticədə İsrail əsgərlərindən birinin vurulduğunu iddia edib.
Hizbullahın açıqlamasında əməliyyatların məqsədinin İsrail ordusunun bölgədəki hərbi fəaliyyətlərinə cavab vermək olduğu vurğulanır. İsrail tərəfi isə bu iddialarla bağlı hələlik rəsmi təsdiq və ya açıqlama verməyib.
