Almaniya Bundesliqasında 32-ci turun oyunu keçirilib.
90deqiqe.Az-ın məlumatına görə, "Borussiya Mönhenqladbax" öz meydanında "Borussiya Dortmund" ilə qarşılaşıb. Mönhenqladbaxdakı “Borussiya-Park” stadionunda baş tutan görüş meydan sahiblərinin minimal hesablı qələbəsi ilə yekunlaşıb – 1:0.
Matçın yeganə qoluna 90-cı dəqiqədə Haris Tabakoviç imza atıb.
Qarşılaşmanı baş hakim Florian Badştübner idarə edib.
Bu nəticədən sonra “Borussiya Mönhenqladbax” 35 xalla turnir cədvəlinin 11-ci pilləsində qərarlaşıb. “Borussiya Dortmund” isə 67 xalla ikinci yerdə mövqeyini qoruyur.
Növbəti turda Mönhenqladbax təmsilçisi 9 mayda səfərdə "Auqsburq" ilə qarşılaşacaq. Dortmund klubu isə 8 mayda doğma meydanda "Ayntraxt Frankfurt"u qəbul edəcək.
