Braziliyalı hücumçu Neymarın mayın 3-də “Santos”la səhər məşqi zamanı insident baş verib.
Yeniavaz.com xəbər verir ki, bu barədə “Globo” nəşri məlumat yayıb.
Nəşrin məlumatına görə, 34 yaşlı hücumçu ilə Robinyo Junior arasında mübahisə baş verib.
Nəşrin qeyd etdiyi kimi, buna səbəb Neymarın onu keçərkən gənc oyunçunun sərt şəkildə qarşısını alması olub.
Neymar 18 yaşlı yarımmüdafiəçinin onu bu şəkildə keçməsini özünə qarşı hörmətsizlik hesab edib, həmçinin, onu daha sakit oynamağa dəvət edib.
Gənc oyunçunun ona sərt cavab verməsindən sonra Neymar qəzəblənib və bu zaman Neymar onu itələyərək, üzünə yumruq vurub.
Daha sonra Neymarın məşq meydançasında gənc oyunçu ilə danışdığı və emosional reaksiyasına görə üzr istədiyi bildirilib.
Nəşrin məlumatına görə, münaqişə həll olunub.
Buna baxmayaraq, “Santos” nümayəndələri və Robinyo Juniorun agentləri şərh verməkdən imtina ediblər.
