“İpsviç Taun” rəsmi olaraq Premyer Liqaya qayıtdı. Son oyun günündə KPR üzərində 3:0 hesablı qələbə komandaya ikinci yeri və elitaya birbaşa yüksəlişi təmin etdi.
Publika.az xəbər verir ki, final fitindən dərhal sonra azarkeşlər meydana axışaraq oyunçularla birlikdə çoxdan gözlənilən qayıdışı qeyd etdilər.
Lakin axşamın ən parlaq anı komandanı səhnə arxasında gözləyirdi.
Klubun həmsahibi, dünyaca məşhur müğənni Ed Şiran paltardəyişmə otağında oyunçuları gözləyirdi. Klubda pay sahibi olan sənətçi təkcə komandanı təbrik etməklə kifayətlənməyib, həm də mahnılar və bir bakal pivə ilə bayrama qoşulub.
