ain.az, Bizimyol portalına istinadən məlumatı açıqlayır.
Son iki ay ərzində uzun mənzilli pilotsuz uçuş aparatları (dronlar) vasitəsilə Ukrayna Rusiyanın neft sənayesinə – boru kəmərlərindən və limanlardan tutmuş neft emalı zavodlarına və tankerə qədər – hücumlar həyata keçirib. Məqsəd Rusiyanın milyardlarla dollarlıq hərbi iqtisadiyyatını zəiflətməkdir.
Bizimyol.info xəbər verir ki, nəticədə, Rusiyanın ikinci ən böyük neft emalı zavodu olan “Kirişi”də istehsal dayandırılıb. Ukrayna dronlarının hücumları nəticəsində ilkin neft emalı qurğularından dördünün üçü zədələnib.
Leningrad vilayəti qubernatoru Aleksandr Drozdenko bildirib ki, rəsmi adı “Kirişinefteorgsintez” olan Kirişi Neft Emalı Zavodu hədəfə alınıb və sənaye zonasında yanğın baş verib. İki anonim mənbə jurnalistlərə açıqlayıb ki, dron hücumları nəticəsində ilkin neft emalı qurğularının üçü zədələnib.
İlkin emal qurğuları hər hansı bir neft emalı zavodu üçün əsas əhəmiyyət kəsb edir və bunlar işləmədikdə zavod fəaliyyət göstərə bilmir.
Rusiya bu hücumları terrorizm kimi qiymətləndirir, Ukrayna isə bu addımı özünü müdafiə kimi təqdim edir. Qeyd olunur ki, Kirişi Neft Emalı Zavodu Ukrayna sərhədindən təxminən 800 km məsafədə yerləşir və bu il artıq bir neçə dəfə dron hücumlarına məruz qalıb.
Mənbələr bildiriblər ki, zədələnmiş qurğuların bərpası üçün lazım olan vaxtı qiymətləndirmək çətindir və eyni zamanda bir neçə ikinci dərəcəli qurğu da zədələnib.
Zavodun illik gücü 20 milyon ton təşkil edir. Son illərdə isə təxminən 18 milyon ton neft emal edib ki, bu da Rusiyanın ümumi neft emalı həcmindən təxminən 7%-dir. Zavod daxili bazar və ixrac üçün dizel yanacağı təmin edən əsas təchizatçılardan biridir.
Xəbər verib ki, daha əvvəl “Flamingo” raketləri Çeboksar zavodunda istehsal sahələrinə ziyan vurub, həmçinin həm içəridə, həm də xaricdə geniş yanğın qeydə alınıb.
Maraqlıdır ki, zərbə sonrası binanın yaxınlığında tikinti kranı işləyir, ehtimal olunur ki, qurğuları sökmək və ya dağıntıları təmizləmək üçün istifadə olunur.
Bundan əlavə, Tuapse Neft Emalı Zavodunun bərpası Rusiyaya təxminən 5 milyard dollara başa gələ bilər. Martın sonu və aprel ayının əvvəlində aparılan böyük neft terminalı hücumları Rusiyaya təxminən 2,2 milyard dollar zərər gətirib.
Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
