Qaynarinfo saytından verilən məlumata əsasən, ain.az məlumatı açıqlayır.
Bu il Azərbaycanda pomidorun qiyməti enməyəcək.
Bunu Qaynarinfo-ya açıqlamasında fermer Anar Abbasov son iki ayda pomidorun ucuzlaşmasından danışarkən deyib. Fermer bu il ölkədə pomidor əkininin 50 faiz azaldığını vurğulayıb:
"Fermerlər pomidor əkmədi. Əkənlərdə sahəni yarıya qədər azaldıb. Keçən il bütün fermerlər böyük ziyanla üz-üzə qaldı. Ötən illə müqayisədə 50 faiz az əkin aparılıb. Biz isə baxıb gördük fermerlər az sahədə əkin aparıb, ona görə sahələrimizi çoxaltmağa qərar verdik. Planda 5 hektar idi, artıq 9 hektar pomidor əkmişik".
Anar Abbasovun sözlərinə görə, fermerin əkdiyi məhsulu sata bilməməsi böyük problemlərə səbəb olur:
"Bizim məhsullar iyunun 20-dən sonra satışda olacaq. Vaxtında əksəydik, daha tez satışa çıxardı. Amma çatdıra bilmədik. Bu il açıq sahə pomidorlarımız Rusiyaya göndəriləcək. Bu bizi sevindirir".
Bahar Rüstəmli
Sonrakı hadisələr barədə daha çox məlumat almaq üçün ain.az saytını izləyin.
