Tbilisi, 6 may, AZƏRTAC
Gürcüstanın Daxili İşlər Nazirliyinin (DİN) həyata keçirdiyi xüsusi əməliyyat nəticəsində 103 kiloqrama yaxın metamfetamin müsadirə olunub.
AZƏRTAC xəbər verir ki, bu barədə Gürcüstan DİN-i məlumat yayıb.
Bildirilib ki, müsadirə olunan narkotikin qara bazarda qiyməti 30 milyon laridir (11 milyon ABŞ dollarından çox).
Xüsusilə külli miqdarda narkotik maddənin qanunsuz alınması, saxlanması və Gürcüstana qanunsuz idxalına görə 1 nəfər saxlanılıb.
Faktla bağlı araşdırma aparıllr.
Xətayi Əzizov
AZƏRTAC-ın xüsusi müxbiri
Tbilisi
