Müəllif
İlhamə Vəliqızı
“AZCON Holding”in şirkətlərindən olan “AzInTelecom” MMC regionun ən böyük texnologiya və süni intellekt tədbirlərindən biri – GITEX AI 2026-da iştirak edib. Bu barədə Ulusum.az-a “AzInTelecom”-dan məlumat verilib.Qazaxıstanın Almatı şəhərində keçirilən tədbir süni intellekt, rəqəmsal transformasiya və innovativ texnologiyalar sahəsində qlobal ekspertləri bir araya gətirib. “AzInTelecom” tədbirdə stendlə təmsil olunaraq şirkətin qabaqcıl texnoloji həllərini və rəqəmsal xidmətlərini beynəlxalq auditoriyaya təqdim edib.Şirkətin tədbirdə iştirakının əsas məqsədi beynəlxalq texnologiya ekosistemində mövqeyini gücləndirmək, strateji tərəfdaşlıqları genişləndirmək, eləcə də rəqəmsal həllərini qlobal bazarda tanıtmaq olub.Tədbir zamanı “AzInTelecom” baş direktorunun müşaviri Fərid İsmayılzadə panel müzakirələrdə çıxış edərək dövlət və biznes üçün rəqəmsal etimadın əhəmiyyətindən danışıb. O, saxta kimliklərə qarşı biometrik texnologiyaların vacibliyini və blokçeynəsaslı maliyyə əməliyyatlarının etibarlılığını vurğulayıb. Şirkətin Kommersiya departamentinin direktoru Fərrux Fərəcullayev isə Azərbaycanda “Lenovo” ilə tərəfdaşlıq çərçivəsində NVIDIA çipləri ilə təchiz edilmiş ilk Superkompüter Mərkəzinin yaradılmasının strateji əhəmiyyətini diqqətə çatdırıb.Qeyd edək ki, tədbir çərçivəsində “AzInTelecom” və “Gcore” şirkətlərinin birgə təşkilatçılığı ilə stenddə interaktiv vörkşop keçirilib. Vörkşopun sonunda təşkil olunan viktorinada qalib gələn iştirakçıya şirkətin ictimai bulud platforması olan “AZINCLOUD” xidmətlərindən istifadə üçün 1000 manatlıq vauçer təqdim edilib. Əlavə 2 iştirakçı isə müxtəlif hədiyyələr qazanıb.
Diqqət Çəkənlər
İslam İnkişaf Bankı Qrupunun sədri Qarabağa səfər edəcək
Bakıda hotellərin WUF13-ə hazırlığı yoxlanılıb
Milli Onkologiya Mərkəzində baş verən partlayışda yaralanan həkim radioloq vəfat edib
