"ABŞ hansı havanı çalırsa, hamı ona oynamalıdır?" – Trampın planı niyə baş tutmadı?

ABŞ prezidenti Donald Tramp mayın 4-də başlatdığı “Azadlıq Layihəsi” əməliyyatını cəmi bir gün sonra təxirə salıb. Yayılan məlumatlara görə, Səudiyyə Ərəbistanı bu əməliyyat barədə öncədən xəbərdarlıq edilmədiyi və Trampın layihəni təkbaşına həyata keçirməyi planlaşdırdığı üçün rəsmi etirazını bildirib. Krallıq əməliyyat çərçivəsində Hörmüz boğazında qalan gəmiləri azad etmək üçün Səudiyyə Ərəbistanının hava məkanından istifadəyə qadağa qoyub. Yalnız bu kəskin addımdan sonra Tramp layihəni dayandırmalı olub.