ain.az, Demokrat.az portalına istinadən məlumat yayır.
Azərbaycanda kirayə mənzil bazarı son illərdə ciddi dəyişikliklərə məruz qalıb. Tələbatın artması və təklifin azalması qiymətlərə birbaşa təsir göstərir. Xüsusilə Bakı şəhərində kirayə mənzil tapmaq əvvəlki illərlə müqayisədə daha çətinləşib. Bu vəziyyətin formalaşmasında həm şəhərdaxili layihələr, həm də miqrasiya axını mühüm rol oynayır.Məsələ ilə bağlı əmlak eksperti Anar Nəsirov Demokrat.az-a bildirib ki, tələb və təklif prinsipi burada əsas rol oynayır:"Tələb çox olduqda qiymətlər artır, tələb azaldıqda isə qiymətlər əksinə enir. Bu gün Azərbaycanda kirayə mənzillərə tələbat yüksəkdir. Təklif isə aşağı səviyyədədir və bunun bir neçə səbəbi var. Səbəblərdən biri şəhərin müxtəlif ərazilərində pilot layihələr çərçivəsində aparılan söküntülərdir.
