Keçən il müəyyən edilən insan alveri cinayətlərin sayı açıqlanıb.
Aznews.az xəbər verir ki, bu, Milli Məclisin İnsan hüquqları, Hüquq siyasəti və dövlət quruculuğu komitələrinin birgə iclasında müzakirəyə çıxarılan “İnsan alverinə qarşı mübarizə üzrə Milli Koordinatorun illik məlumat”ında qeyd edilib.
Qeyd edilib ki, keçən il insan alveri cinayətlərinin aşkarlanması və təqsirkar şəxslərin məsuliyyətə cəlb olunması sahəsində keçirilmiş əməliyyat-axtarış tədbirləri ilə 198 cinayət müəyyən edilib. Bu, 2024-cü illə müqayisədə 8 cinayət azdır. 2025-ci ildə həmin cinayətlərdən 57-i informasiya texnologiyalarının tətbiqi ilə törədilib.
