Demokrat.az portalından verilən məlumata əsasən, ain.az bildirir.
Bir çox “iPhone” istifadəçisi hələ də 65, 90 və hətta 100 vattlıq güclü şarj cihazlarından istifadə etməkdən çəkinir. Onlar hesab edirlər ki, belə adapterlər smartfonun batareyasını “məhv edə” bilər. Lakin bu, şarj prosesi ilə bağlı ən geniş yayılmış miflərdən biridir.Demokrat.az-ın məlumatına görə, “BGR” ekspertləri izah edirlər ki, 100 vattlıq adapter özü-özlüyündə “iPhone” batareyasına zərər vermir. “Apple” telefonları enerji idarəetməsinin ağıllı sistemindən istifadə edir və cihaza daxil olan gücü avtomatik şəkildə məhdudlaşdırır.Məsələn, smartfonu 100 vattlıq enerji bloku ilə qoşsanız belə, “iPhone” yalnız ehtiyac duyduğu qədər enerji qəbul edəcək. Bu göstərici modeldən asılı olaraq adətən 20-40 vatt arasında dəyişir. Buna görə də “MacBook” və ya digər güclü cihazların adapterlərindən istifadə etmək “iPhone” üçün təhlükəli hesab olunmur.Bununla belə, daha güclü adapterdən istifadə zamanı “iPhone” nəzərəçarpacaq dərəcədə qızına bilər. Xüsusilə qeyri-original kabel istifadə olunarsa və ya şarj isti otaqda aparılarsa, bu hal daha çox müşahidə olunur. Əksər hallarda belə isinmə təhlükəli sayılmır, çünki temperatur yüksəlməyə başladıqda smartfon enerji qəbulunu özü azaldır.Batareyaya gəldikdə isə, güclü adapter standartlara uyğun olduqda onun aşınmasını sürətləndirmir. Əsl təhlükə ucuz və sertifikatsız şarj cihazlarından qaynaqlanır. Xüsusilə “USB Power Delivery” dəstəyinə malik olmayan adapterlər risklidir.“Apple” vurğulayır ki, batareyanın köhnəlməsi təbii prosesdir. Müasir “iPhone” modelləri təxminən 1000 şarj dövrü üçün nəzərdə tutulub. Bundan sonra batareyanın maksimal tutumu 80%-ə qədər azalır.Burada bir şarj dövrünün 0%-dən 100%-ə qədər bir dəfə doldurma demək olmadığını nəzərə almaq lazımdır. Bu, ümumi olaraq batareya tutumunun 100%-lik istifadəsini ifadə edir. Məsələn, gün ərzində 70% enerji sərf edib telefonu yenidən 100%-ə qədər doldursanız, daha sonra əlavə 30% istifadə etdikdə bu, bir tam dövr sayılır.“iOS” sistemində şarj səviyyəsini məhdudlaşdıran funksiyalar da mövcuddur. Məsələn, cihazı maksimum 80%, 90% və ya 95%-ə qədər doldurmaq mümkündür. Nəzəri olaraq bu üsul batareyanın köhnəlməsini ləngidə bilər, çünki tam şarj dövrlərinin sayı azalır.Lakin testlər göstərir ki, belə məhdudiyyətlərin batareyanın uzunmüddətli aşınmasına təsiri minimaldır. Daha vacib məsələ şarj cihazı və kabelin keyfiyyətidir. Sertifikatlaşdırılmış aksesuarlardan – “Apple”, “MFi” və ya “USB-C” sertifikatlı məhsullardan istifadə batareyanın təhlükəsizliyi və uzunömürlülüyü baxımından əsas rol oynayır.Jalə
Demokrat.az
Daha ətraflı məlumat və yeniliklər üçün ain.az saytını izləyin.
