ain.az xəbər verir, Demokrat.az saytına əsaslanaraq.
Soyuq havaların təsirini artırması ilə birlikdə evlərdə kombi istifadəsi də təbii olaraq yüksəlir. İsitmə qədər isti su rejimi düzgün tənzimlənməsi də vacib hesab olunur. Bir çox insan daha komfortlu duş üçün temperaturu artırmağı üstün tutur. Lakin mütəxəssislərə görə bu vərdiş həm hesabları artırır, həm də kombinin ömrünü qısalda bilər.Demokrat.az xəbər verir ki, qış aylarında kombidən maksimum səmərə əldə etmək istəyənlərin adətən radiator istiliyinə fokuslandığı bildirilir. Lakin isti su ayarı da ən azı radiator tənzimləməsi qədər önəmlidir.Mütəxəssislərin diqqət çəkdiyi əsas məqamlardan biri isti su dərəcəsinin daim yüksək saxlanmasıdır. Qısa müddətdə daha isti su hissi yaratsa da, uzun müddətdə bu seçim ciddi nəticələrə səbəb ola bilər. Yüksək dərəcəyə qoyulmuş isti su soyuq su ilə balanslanmalı olduğundan kombi fasiləsiz işləmək məcburiyyətində qalır. Bu isə qaz sərfiyyatını artırır və ani temperatur dəyişikliklərinə yol açır.Uzun illər müxtəlif model və markalarla işləyən kombi ustalarına görə ideal isti su dərəcəsi adətən 45 ilə 50 aralığında olmalıdır. Bu səviyyə həm gündəlik istifadə üçün kifayət qədər komfort təmin edir, həm də kombinin stabil işləməsinə kömək edir.Aşağı temperaturda istifadə edilən isti su isə düşünüldüyünün əksinə narahatlıq yaratmır. Əksinə, daha sabit temperatur əldə olunmasına imkan verir. Ustalar bu ayarda suyun ani soyuma və ya yanma hissi yaratmadığını, istifadə zamanı daha nəzarətli nəticə verdiyini bildirirlər. Eyni zamanda bu seçim kombinin daha az işləməsinə şərait yaradır.Enerji səmərəliliyi baxımından kiçik tənzimləmələrin böyük fərqlər yaratdığı vurğulanır. İsti su dərəcəsinin bir neçə dərəcə azaldılması belə aylıq hesabda nəzərəçarpacaq qənaət yarada bilər. Mütəxəssislər artan enerji xərcləri fonunda bu detalların diqqətdən qaçırılmamasını tövsiyə edirlər.Kombi ustaları uzun illərin təcrübəsinə əsaslanaraq eyni fikirdədirlər: isti su dərəcəsini tez-tez dəyişmək əvəzinə optimal dərəcədə sabit saxlamaq daha doğrudur. Bu, cihazın daha uzunömürlü olmasına və performansın qorunmasına kömək edir.Qış boyunca komfortlu yaşayış mühiti yaratmaq üçün kombi dərəcələrinin düzgün seçilməsi vacibdir. İsti suyu həddindən artıq artırmadan uyğun dərəcədə istifadə etmək tövsiyə olunur.Jalə
Demokrat.az
Ən son xəbərləri və yenilikləri almaq üçün ain.az saytını izləyin.
