Misli Premyer Liqasında XXXI turun açılış matçında “Zirə” səfərdə xal itkisi ilə üzləşib.
Redaktor.az xəbər verir ki, Quba Olimpiya İdman Kompleksində keçirilən görüşdə “İmişli”nin qonağı olan “Zirə” meydanı bərabərliklə tərk edib.
Gərgin keçən qarşılaşmada tərəflərdən heç biri qol vura bilməyib və matç 0:0 hesabı ilə yekunlaşıb.
Qeyd edək ki, dördüncü pilləyə yüksəlməyə çalışan “qartallar” bu nəticədən sonra xallarının sayını 50-yə çatdıraraq, turnir cədvəlinin beşinci pilləsində qərarlaşıb. Meydan sahibi “İmişli” isə 33 xalla doqquzuncu sıradadır.
