2010-cu il futbol üzrə dünya çempionatında səsləndirdiyi "Waka Waka" mahnısı ilə böyük uğur qazanan Şakira bu il də turnirin musiqi siması olacaq.
Manset.az xarici mediaya istinadən xəbər verir ki, kolumbiyalı sənətçinin “Dai Dai” adlı mahnısı iyun və iyul aylarında ABŞ, Meksika və Kanadada keçiriləcək "2026 FIFA World Cup"nın rəsmi musiqisi seçilib. Müğənni bu xəbəri cümə axşamı sosial şəbəkə hesablarında paylaşdığı qısa video ilə açıqlayıb.
Maracanã Stadium stadionunda lentə alınmış videoda Şakira sarı forma və mavi şortda, yanında isə bir neçə futbol topu ilə görüntülənir. Videoda ona bir qrup rəqqas müşayiət edir. Müğənni görüntülərdə “Dai Dai” mahnısından qısa hissələr ifa edir.
Mahnının tam versiyasının 14 may tarixində yayımlanacağı bildirilib.
