Almaniyanın Hamburq şəhərində təxminən 6 min məktəbli ümumi hərbi xidmətin mümkün bərpasına qarşı etiraz aksiyası keçirib.
Senzor.az yerli KİV-ə istinadən bildirir ki, şagirdlər dərsləri buraxaraq küçələrə çıxıblar.
Aksiya təşkilatçıları bildiriblər ki, etirazda uşaqlar və yeniyetmələr fəal iştirak ediblər.
Xatırladaq ki, ötən il dekabrın 5-də Bundestaq Almaniyada hərbi xidmətin yeni modeli haqqında qanun qəbul edib. Almaniyanın müdafiə naziri Boris Pistorius tərəfindən təklif edilən qanun layihəsi gənclərin tibbi müayinədən keçməsini və hərbi qeydiyyatı bərpa etməyi tələb edir. Potensial işə qəbul olunanlardan fiziki hazırlığı və Almaniya Silahlı Qüvvələrinə qoşulmağa hazır olduqları barədə sorğu anketlərini doldurmaq tələb olunur.
[media=Hamburqda minlərlə şagird hərbi çağırışa qarşı etiraz edib]
