ain.az bildirir, Milli.az saytına əsaslanaraq.
Dondurma yalnız yay aylarının sevilən şirniyyatı deyil, eyni zamanda bir sıra faydaları ilə də diqqət çəkir.
Milli.Az xəbər verir ki, mütəxəssislərin sözlərinə görə, dondurma tərkibində olan süd məhsulları sayəsində kalsiumla zəngindir. Bu isə sümük və dişlərin möhkəmlənməsinə müsbət təsir göstərir. Xüsusilə uşaqlar və yeniyetmələr üçün ölçülü şəkildə qəbul edildikdə faydalı hesab olunur.
Dondurmanın digər üstünlüyü enerji verməsidir. Tərkibindəki şəkər və karbohidratlar qısa müddətdə orqanizmə enerji qazandırır və yorğunluğun azalmasına kömək edir. Bu səbəbdən isti havalarda özünü halsız hiss edənlər üçün yaxşı seçim sayılır.
Bundan əlavə, bəzi araşdırmalara görə, dondurma xoşbəxtlik hormonlarının ifrazını stimullaşdıra bilər. Şirin dad beyində müsbət emosiyalar yaradır və insanın əhvalını yaxşılaşdırır.
Dondurmanın tərkibində A, B və D vitaminləri də mövcuddur ki, bu da ümumi sağlamlığa müsbət təsir edir. Eyni zamanda, boğazı yüngül sərinləşdirərək müvəqqəti rahatlıq hissi yarada bilər.
Bununla belə, mütəxəssislər xəbərdarlıq edir ki, dondurmanın həddindən artıq qəbulu artıq çəki, şəkər balansının pozulması və digər sağlamlıq problemlərinə səbəb ola bilər. Bu səbəbdən onun ölçülü şəkildə istehlak edilməsi tövsiyə edilir.
Hüseyn
Milli.Az
Hadisənin gedişatını izləmək üçün ain.az saytında ən son yeniliklərə baxın.
