Türkiyə xarici işlər naziri Hakan Fidan HƏMAS Şurasının rəhbəri Məhəmməd Dərvişin rəhbərlik etdiyi nümayəndə heyəti ilə görüşüb.
Senzor.az yerli KİV-ə istinadən xəbər verir ki, H.Fidan Türkiyənin Fələstin xalqını Qəzzanı tərk etməyə məcbur etmək məqsədi daşıyan hər hansı bir addıma qarşı qətiyyətlə mübarizə aparmağa davam edəcəyini bildirib.
Fidan qeyd edib ki, bölgədəki müharibə Fələstin məsələsinin unudulmasına səbəb olmamalıdır və Türkiyə İsrailin yaratdığı fəlakətləri beynəlxalq ictimaiyyətin gündəliyində saxlamağa davam edir.
O, İsrailin Qəzzada artan iştirakının və bölgəyə çox ehtiyac duyulan humanitar yardımın çatdırılmasına mane olmasının qəbuledilməz olduğunu söyləyib.
Nazir Fidan Fələstini dəstəkləyən bütün dövlətlərin, xüsusən də İslam ölkələrinin fələstinlilərin haqlı mübarizəsini müdafiə etməyə davam etməli olduğunu vurğulayıb.
